Nahin Hai Teri Misal Jaana...


Nahin Hai Teri Misal Jaana...!!!!!


Dabi Dabi Si Wo Muskarahat
Labon Pay Apnay Saja Saja K,


Wo Naram Lehjay Main Baat Karna
Ada Say Nazrain Jhuka Jhuka K,


Wo Aankh Teri Shararti Si
Wo Zulf Mathay Pay Nachti Si,


Nazar Hatay Na Ek Pal Bhi
Main Thak Gya Hun Hata Hata K,


Wo Teray Hathon Ki Ungliyon Ko
Milla Kay Zulfon Main Kho Sa Jana,


Haya Ko Chehray Pay Phir Sajana
Phool Chehra Khila Khila K,


Wo Hath Hooroun Kay Ghar Hon Jaisay
Wo Paon Pariyoun Kay Par Hon Jaisay,


Nahin Hai Teri Misal Jaana,
Main Thak Gya Hon Bata Bata K...!


♥•٠•●♥ PoetryGhar.com ♥●•٠♥

Labels:

Ab Jo Rothy to Kabhi Manana nhi Ja ker..


'Ab Jo Rothy to
Kabhi Manana nhi Ja ker


Seh Lein gy Dukh Usay Sunana nhi Ja ker


Lout Aye ga Zror
agr Wo Mera hua


Aaj se Teh huwa
Khud BuLana nhi Ja kr


Usy Chaha hy
Usy Chahty rahen gy


Us k DiL mein hy Kya
Aazmana nhi Ja ker


MiLay to Bersa dein gy
Hum Pyar Us pay


Nhi to Haal-e-Dil b Btana nhi Ja ker.'

Labels:

Ajeeb shaks hai pani kay ghaR main rahta hai


Woh aqs bun kar meri chashm-e-tar maiN rahta hai
Ajeeb shaks hai pani kay ghaR main rahta hai

Wohi to meri shab-e-gham ka ek peyambaR hai
Woh ek sitara jo chashm-e-sehar maiN rahta hai

Jo meray hontoo-n pay aye to gunguna lon ussay
woh shair bun kar bayaz-e-nazar maiN rahta hai

Guzarta waqt mera gham gusar kya hoga
Ye khud taqob-e-sham-o-sehaR main rahta hai

Mera hi roop hai tu ghoR say agaR dekhay
Bagola sa jo teri rahguzar maiN rahta hai

Labels:

Eik Shamma Jali Rafta Rafta......


Eik Shamma Jali Rafta Rafta Eik Khawab Loot Gaya Dheere Dheere
Sheesha Na Sahi Pathar Bhi Na Tha Dil Toot Gaya Dheere Dheere

Barson Main Marasim Bante Hain Lamhon Main Kya Tootain Gey
Tu Mujh Say Bicharna Chahe To Deewaar Utha Dheere Dheere

Woh Haath Paraye Ho Bhi Chooke Ab Door Ka Rishta Hai Akhtar
Aati Hai Mere Veerane Main Khushboo-E-Hina Dheere Dheere

Labels:

Mehandi Se Saje Haath


Kabhi mehandi se saja lo tum apne haathon ko,
Us sajawat ke kisi kone mein hamara naam bhi likh do,
Yeh naam sirf hum dono ko hi nazar aaye,
Kuch is tarah se hum dono ka tum naam likh do.


Teri mehandi se saje haathon ko mein apne haathon mein le loonga,
Tere haathon ki mehandi ki khushboo ko apne dil mein qaid kar loonga,
Dhoond loonga mein tere haathon mein chupi hum dono ka naam,
Leke tere haathon ko apne haathon mein use mein choom loonga.


Jab loonga tere haathon ko apne haathon mein,
Tere chudiyon ki kankanahat goonjegi geet banker,
Jab mein choomoonga tere honthon mein jaanam,
Tere siskiyan nayee sur banke goonjegi.


Tere saanson ki garmi jab milegi saanson se meri,
Tab wahan par nayee ek sargam banegi,
Jab milegi badan mere tere badan se oh jaanam,
Mohabbat hamari bas rangeen banegi.

Labels:

Amjad magar woh shakhs mujhay bhoolta nahin


Kehnay ko us say mera koi waasta nahin
Amjad magar woh shakhs mujhay bhoolta nahin

darta hoon aankh kholoon to manzar badal naa jayey
main jaag to raha hoon magar jaagta nahin

aashaftagi say uski usay beywafa naa jaan
aadat ki baat or hay dil ka bura nahin

tanha udaas chaand ko samjho naa beykhabar
hur baat sun raha hay magar bolta nahin

khamosh ratjagoun ka dhuwaan tha chahaar soo
nikla kub aaftaab mujhay to pata nahin

amjad woh aankhain jheel see gehri to hain magar
un main koi bhi aks meray naam ka nahin!!

Labels:

Woh Kabhi Ik Sheir Tau Mera Suna Deti Mujeh


Subh Ki Pehli Kiran Yoon Tau Jaga Deti Mujeh
Band Khirki Se Magar Kese Sada Deti Mujeh

Mein Teri Yaadon Mein Khoya Muntazir Hota Tera
Koi Khushboo Teri Amad Ka Pata Deti Mujeh

Sheher Se Urr Ker Bhi Tere Pass Aa Sakta Tha Mein
Gar Tera Pagiham Gaon Ki Hawa Deti Mujeh

Malgajay Kaghaz,kitabein,phool Patay Shairi
Zindagi Ke Pass Kia Tha Jo Sawa Deti Mujeh

Mere Lafzon Mein Ghina Ka Zaika Mojood Tha
Woh Kabhi Ik Sheir Tau Mera Suna Deti Mujeh

Uska Ghar Safdar Kahin Anghoor Ki Beilon Mein Tha
Zindagi Ki Dhoop Mein Yeh Tau Bata Deti Mujeh

Labels:

Mera tumse aesa rishta hai



Mera tumse aesa rishta hai
Khawb ka jo tabeer se hai,
Sheeshe ka jo tasveer se hai,
Sachayi ka jo zameer se hai,
Qaidi ka jo zanjeer se hai,
Samundar ka jo mahi-geer se hai,
Ranjhey ka jo heer se hai,

Mera tumse aesa rishta hai,
Chaand ka jo raat se hai,
Saawan ka jo barsat se hai,
Dil ka jo barsaat se hai,
Dil ka jo jazbaat se hai,
Mausam ka jo soghaat se hai,
Jeet ka jo maat se hai,
Takdeer ka jo halaat se hai,

Mera tumse aesa rishta hai
Pyar ka jo iqraar se hai,
Dukh ka jo izhaar se hai,
Sharaab ka jo khumaar se hai,
Nafrat ka jo pyaar se hai,
Jeet ka jo haar se hai,
Til ka jo rukhsaar se hai,

Mera tumse aesa rishta hai
Kaantey ka jo phool se hai,
Insaan ka jo bhool se hai,
Raah ka jo dhool se hai,
Dua ka jo kubool se hai,
Ilm ka jo husool se hai,
Kitaab ka jo Rasool se hai,

Mera tumse aesa rishta hai
Bahaar ka jo chaman se hai,
Nigaah ka jo hussan se hai,
Pardesi ka jo watan se hai,
Justuju ka jo lagan se hai,
Choli ka jo daaman se hai,
Yadon ka jo saawan se hai,

Mera tumse aesa rishta hai
Dard ka jo ehsaas se hai,
Sehraa ka jo pyaas se hai,
Ghareeb ka jo aas se hai,
Dard ka jo paas se hai,
Jism ka jo libaas se hai,
Gham ka jo Waqaas se hai,

Mera tumse aesa rishta hai,
Mera tumse aesa rishta hai…

Labels:

Mein yeh baat dunya walon ko batana chahta hoon


Shaam se pehle ik diya jalana chahta hoon,
Main aaj apni mohabbat ko aazmana chahta hoon,

Yeh anaa-parast log hain andar se tootay huye,
Mein yeh baat dunya walon ko batana chahta hoon,

Teri zaat ki mehroomiyan, Tere man ki yeh udaasiyan,
Mujhe moka to de, mein inhe mitaana chahta hoon,

Tere hath mein mere rehber, Tere naksh-e-paa meri manzil ke,
Tujhe mein chilchilati dhoop mein aanchal banana chahta hon,

Cheen lo saharey mujhse, apne paraaye sarey mujhse,
Bas do hosla mujhe, mein khud ko manwaana chahta hoon,

Poocha jo yaaron ne muskurahat ka sabab to kehne laga Waqas,
Mein hansi ke pardey mein dard apna chupana chahta hoon..

Labels:

Ho sake tou yeh ghaur tum bhi karo


Rang o khushbu ke darmeyan mein hai
Kon sa shakhs mere dheyan mein hai

Kal bhi tha nasha-e-khudi us ko
Aaj bhi dil usi gumaan mein hai

Ho sake tou yeh ghaur tum bhi karo
Koi tanha bharey jahaan mein hai

Tujh pe hai dhoop chaaon ka mausam
Tere shayar bhi imtihaan mein hai

Khawb hain phool hain woh ankhen hain
Ik tasalssal sa dastaan mein hai

Haadsa jo na ho saka hai abhi
Gardish e wakt ki amaan mein hai

Mein nibhaon ga sarey ehad zeya
Jab talak meri jaan, jaan mein hai

Labels:
Subscribe to: Posts (Atom)
Related Posts Plugin for WordPress, Blogger...

PoetryGhar.com
-

Facebook Badge

Blog Archive

!! Poetry List !!

Followers