Rukhsar Aisay Timtimaty Hain Janab K
Pehnay Hon Jaisy Chaand Ne Gajrey Gulaab K

Likha Hai Tera Naam Bhi Chahat K Khoon Say
Aao Warq Dikhaon Main Dil Ki Kitaab K

Itni Pila Day Aaj K Ji Bhar K Royen Hum
Niklen Hamari Aankh Say Aanso Sharaab K

Utra Wo Is Tarha Se Samandar Ki Goad Mein
Jitney Bhanwar Thay So Gaye Pehlu Mein Aab K

Didaar-e-Yaar Bolye Kaisey Ho Aaj Kal
Pehray Hain Chaand Chehray Pay Kalay Naqaab K

Mil Kar Tamaam Raat Woh, Phir Bhi Nahi Mila
Suraj Bata Gaya Hai, Ye Dhokay Thay Khawab K....

Related Posts Plugin for WordPress, Blogger...

PoetryGhar.com
-

Radio Player